Ons Sport

Trots op ons sport

Atletiek

Welkom Volkskool se mikpunt met atletiek is om elke kind ten volle te ontwikkel om sy/haar potensiaal op die atletiekveld te ontgun. Nie net bou ons die kind se karakter en selfbeeld nie, maar word daar ook Christelike waardes en beginsels by ons atlete gekweek. Elke kind moet ook geniet wat hy/sy doen en so word prestasies onbewustelik bevorder. Ons is trots om jaarlikse talle Vrystaat atlete op te lewer en top presteerders op verskeie byeenkomste te genereer.

Rugby

Ons is trots op Volkies se rugby. Om rugby te speel is `n belangrike rol in die opvoeding van ons seuns. Meer as 150 seuns is aktiewe deelnemers. Formeule afrigting en vaardigheidsontwikkeling geskied vanaf Graad 1 (Bulletjie rugby) tot o/13 vlak. Ons neem met ons A- en B spanne in die Griffon liga deel. Ons neem ook deel aan verskeie toernooie en reël gereeld vriendskaplike wedstryde teen verskeie skole buite ons liga. Ons skool word ook gesond verteenwoordig in verskeie Griffons rugbyspanne d.m.v. spelere en afrigters.

Netbal

Volkies speel netball vanaf o/7 tot o/13. Ons poog om elke jaar minstens 2 spanne per ouderdom vir die liga in te skryf. Afrigters word jaarliks blootgestel aan kursusse en klinieke om op hoogte te bly met afrigtingstegnieke. Skeidregters woon elke jaar `n reëlbespreking by aan die begin van die netbalseisoen en grader jaarliks om hul gradeering te behou of te verbeter. Gedurende die Maart-vakansie word toere vir senior spanne gereël. Verskeie groot name bied jaarliks `n afrigtingskliniek vir al ons dogters by ons skool aan. Ons neem deel aan verskeie toernooie en poog daarin om ons eie toernooi jaarliks aan te bied. Die C- spanne kry ook die geleentheid om hul netball te bevorder deur vriendskaplike wedstryde te reël. Welkom Volkskool lewer jaarliks Lejweleputswa- sowel as Vrustaat netbalspeelsters op.

Landloop

Landloop word met baie entoesiasme by Welkom Volkskool afgerig. Daar is weekliks oefeninge en die Vrystaat ligas strek van die Tweede kwartaal tot aan die einde van die derde kwartaal. Ons skool word gereeld genomineer om `n byeenkoms aan te bied. Ons skool word ook verteenwoordig by die Vrystaat bestuur.

Hokkie

Mini- hokkie word in die derde kwartaal aan gebied, alhoewel ons aan die einde van die tweede kwartaal in alle erns begin voorberei. Betrokke dogters ouderdomme is o/7, o/8 en o/10. Die mini- hokkie word net oor `n kwart of helfte van die veld gespeel. Die dogters neem jaarliks deel aan verskeie hokkiedae en `n nie amptelike liga deel.

Volveld hokkie is vir die Graad 5 tot 7 dogters. Ons eerste span neem deel aan `n Noord Vrystaat Liga en spog ons Volkies vir die afgelope paar jaar met verskeie spanne as ligawenners in die liga. Die dogters neem jaarliks deel aan verskeie hokkiedae en toernooie. Die skool spog met talle streek- en provinsiale spelers elke jaar. Ons is ook bevoorreg om verskeie hoogstaande gehalte en baie entoesiastiese afrigters by ons skool te hê en ons word ook op die hokkiebestuur verteenwoordig. Hokkie is `n spansport en elke leerling word aangemoedig om te leer om as `n span saam te kan funksioneer.

Krieket

Welkom Volkskool neem jaarliks deel aan die Lejweleputswa se nie-amptelike liga bepalings deel. Ons slaag daarin om elke jaar twee of dries panne in elke ouderdomsgroep te kan afrig. Die A en B- spanne neem deel aan vaste bepalings terwyl ons vriendskaplike wedstryde vir die C – spanne reël. Welkom Volkskool beskik oor `n netjiese krieketveld met `n hoogstaande gehalte oppervlak en beskik ook oor genoegsame krieketnette en toeristing. Ons neem deel in die mini-krieket , o/9, o/11 en o/13 ouderdomsgroepe. Die afgelope paar jaar beskik ons oor `n getal Lejweleputswa en Vrystaat krieketspelers. Ons het ook afrigters wat op die hoogste vlak afrig sowel as lede op verskeie kommitees en besture.

Tennis

By Welkom Volkskool is tennis vir ons `n groot hoogtepunt op ons jaarlikse kalender. Daar word aan alle leerders die geleentheid gegee om die sport te geniet, van Juniors tot Vrystaat-spelers. Volkies spog met talle leerders op die Lejweleputswa, Noord-Vrystaat en Vrystaat tennisranglyste. Ons poog om jaarlike ongeveer twintig spanne in te skryf om aan die derde kwartaal liga deel te neem. Hierdie spanne sluit in vier Graad 1 spanne, vier Graad 2 spanne, drie Junior dogters, drie Junior seuns, drie Senior dogters en drie Senior seuns. Ons Senior seuns- en dogtersspanne dring gereeld deur na die Noord Vrystaat uitspele en presteer goed tydens hierdie geleentheid.

Skaak

Welkom Volkskool bied skaak aan as `n buitemuurs aktiwiteit vir junior sowel as senior leerders. Skaak is nie net `n lekker speletjie nie, dit maak jou nog slim ook! Dit bevorder die ontwikkeling van beide die kreatiewe denke, sowel as die logiese denke en verbeter so ook jou konsentrasie-vermoë. Ons is trots om jaarlikse verskeie Lejweleputswa ligas te wen.

Buiteskoolverband

Ons is trots om te sê ons gee erkenning aan leerders wat aan buiteskoolverband sportsoorte deelneem. Vir ons is elke Volkie belangrik..

Sport